瀏覽人次:7041    回應:9

文亮語

新樓熱賣,政府應該開心才是
 
湯文亮博士
紀惠集團行政總裁
2017年3月23日

  在過去的星期六日,幾個剛推出的新樓盤的銷情都甚佳,有政府官員立刻示警,我認為政府示警可以,毋須繼續出招,亦毋須減辣,其實,新樓盤熱賣正是政府官員夢寐以求的事,愈多人買樓,愈多購買力被消耗,與此同時,不同地產商見新樓熱賣,便會立刻部署推出他們的新樓盤,供應增加,即使樓價沒有立刻下調,升勢亦會被遏止,官員們想不到多年來解決不到的事,竟然因為新樓熱賣而得到解決,所以,官員們只需耐心等候,最好就是喜怒不形於色,房屋問題很快就會被解決。

  調控樓市的終極策略就是如何令到地產商樂意推出新樓盤,在去年第四季,各大地產商本來打算推出12,000個單位,在新樓單位推售前,地產商一定會營造一個買樓是最佳投資的氣氛,但CY唔知點解,在沒有充分了解樓市真實情況,亦沒有作出任何諮詢便毅然推出15%新印花稅,結果是地產商將打算推出的新樓盤收回,只有4,000個單位推出市場,在供應量未能滿足購買力之下,樓價繼續飆升,現在,地產商很不容易再次聚積到龐大購買力,如果官員們一個唔覺意又出招,地產商再次收回準備推出單位,估計有部份購買力會買二手樓,在二手樓業主惜售之下,樓價有機會再創新高,我相信政府官員想也想不到,不斷推出新辣招,結果就是不斷令樓價屢創新高,其實,政府只要唔好阻撓地產商推出新樓盤,樓市就會回復正常,甚至有可能下跌,樓價會在供需角力的情況下找到一個雙方接受的平衡點,屆時成交量就會大增,政府是不理解這個情況,如果了解,就唔會出招。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 政府笑唔出 2017-03-23 10:09:19
正常情况一年有十萬宗成交,如果發展商手中存貨今年全部清倉,而大把人重在排隊等抽樓,政府好快就笑唔出。
2. 真真薯片 2017-03-23 10:12:52
博士真係好幫689, 市傳正苦想封殺一張合約買多個單位避稅漏洞, 如果正苦又出招, 發展商再封盤, 配合地價炒上, 二手指數三個月內再成一成應該係冇難度

可惜689性格專門同人鬥氣, 你越叫佢唔好出招, 佢偏要出招, 所以隔離姓蔡既資深地產投資者叫正苦出招, 其實就係要正苦唔好出招, 地產界同689玩左咁多年, 終於開始互相理解
3. 博士 2017-03-23 10:27:41
這不過是一間代理行發出的傳聞,現在有傳聞警方追查消息來源,可能會被刑事檢控。
4. Tony lam 2017-03-23 11:16:39
如果當時推12000單位、咁大棚貨爭住散、起步一定冇得吊起賣、平均6球一個計…都衹係7百零億、冇辣招制住會點呢?咁實比有水嘅老表一批批掃、陀地炒家都唔會執輸、多多唔夠飽、大孖沙反應實步步高、地裝用家點夠佢地搶 ?

辣招制住、大孖沙成倉貨、但平賣實唔制、扭盡六壬攪綽頭、去貨都係濕濕下、息低座下唔拘、但生意都要有轉流先得㗎、正在頭痕…咁啱…老表計數…我買面包抽咁重水 ! 好…就買你D面粉造面包、地價比高D當抽咗水、做就咗條件比陀地大孖沙…高價散貨…係咪有運呢!睇真D…呢排大孖沙係…唔惜貨…鬥快出貨…

以前香港人打住毛利4_5成做生意、老表慣咗…夠比息口再執人工多些小嚟搶市場、又真係可以橫掃、而家想喺地產市場照辦煑碗、但今次唔係淘寶、係地產…過火…政府有say嘅 !
5. 真真薯片 2017-03-23 11:33:16
其實正苦如果要再出招, 應該出租管, 或者同一個名第二層以上既樓勁加差響, 再改印花稅已經冇乜作為
6. 真真薯片 2017-03-23 11:52:32
不過就算正苦唔出招, 發展商推推下盤發覺購買力不繼, 一樣會縮沙封盤

購買力會隨時間累積, 地皮都會累積, 雙方鬥等, 邊個耐力比較強? 答案好明顯
7. 打工仔 Andy 2017-03-23 11:57:12
佢原本一心一意服務港人, 諗埋 d 屎橋出泥, 
老實果句, 咁多新供應來緊, 所有問题都會解決!
8. 真真薯片 2017-03-23 14:56:23
正苦加供應結果過唔到發展商果關, 令人諗起早幾年大陸流行一句話 : 總理說的不算, 總經理說的才算!
9. 井 2017-03-23 21:16:43


https://youtu.be/pxRy8Xfggjs
 
返回