主頁 / 按揭文章 / 房屋六招對樓市影響(1)買了樓的人應何去何從
瀏覽人次:16380    回應:11

文亮語

房屋六招對樓市影響(1)買了樓的人應何去何從
 
湯文亮博士
紀惠集團行政總裁
2018年6月30日

  昨日林鄭的房屋九招,差不多是向地產商宣戰,甚至是各行各路,政府土地將會留作興建資助房屋,地產商要建房,有土地地產商唔該補地價,沒有土地地產商唔該收購舊樓重建,有記者問,林鄭今次點解咁辣,老實說,如果我是林鄭,可能會更辣,事關地產商根本少少面都唔俾,已經講到明關注新樓空置,仲逐少逐少賣樓,樓價指數屢創新高,政府昨日唔出招,樓價又繼續上升的話,林鄭與她的嫡系部隊在一年內必定要辭職,不過,昨日的房屋九招有一個大缺點,就是最近買了樓,無論是新樓抑或是二手樓應何去何從,尤其是那些用高成數按揭買樓的人,不過,他們又可以怪罪任何人,明知道政府將會出招,只有智力不足的人才會相信新辣招只不過是花招,對樓市沒有影響,甚至會惹惱地產商不賣新樓,只賣陳年舊貨,供應更少,樓價更高,既然打算買樓,點解唔多等一會,因為除了買樓之外,還買了一身債。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. MT 2018-06-30 08:33:53
認同觀點
2. 早買早著 2018-06-30 09:27:48
明年今日的中原指數將證明,已經買咗私樓的人是明智的。

私樓土地供應減少,排隊搶居屋的人龍大幅增加,更加刺激樓價上升。

發展商加快賣出貨尾,面包架上空空如也,排隊買面包的人更願意出高價搶面包。
3. 苦 2018-06-30 09:34:54
希望這九招有用,不然淘空上一代,下一代也受苦
4. 真真薯片 2018-06-30 10:27:24
新招打擊既層面多而複雜,對樓市既影響我都要消化下先可以評論,純直覺去睇,新招一定有效,最低限度有效大半年至一年,尤其是配合美元升,股市跌既大環境,下半年到明年初樓市週整幾會甚高

新招最辣既,反而唔係樓價,而係果九塊轉做正苦樓既私樓地,呢招係超級7傷拳,果9塊地本來每塊平均可賣過百億,正苦用黎起居屋都算,因為本來居屋可以賣過萬蚊呎,扣除成本正苦每呎本來仲可以賺5000,但係調低居屋售價後,果9塊地起出黎既居屋可能只賣7,8000,扣建築成本後正苦每呎只袋2,3000,相對賣地過萬蚊呎,正苦每呎袋少8000!9塊地狗埋少收800億以上,唔講得笑!佢對家地霸仲大鑊,果9塊靚地本來每塊地可以用100億/每呎萬幾去投,起好每呎賣3,4萬,每塊地可以賺百幾200億,依家用黎起居屋,即係地霸少左賺千幾2000億生意!!呢下7傷拳唔講得笑,正苦少收800億,地霸賺少2000億,林鄭真係打地霸,勁!
5. Carson 2018-06-30 11:08:57
之前買咗啟德樓的小業主先係最大鑊,地霸大把錢,賺少啲唔入肉,小業主窮畢生積蓄買樓但而家見財化水,有苦自己知,沙中線又一鑊泡,短期內都未必通到車。所以我話九龍從來都唔係咩好地方,除咗九龍站之外,其他地區非常多公居屋同舊樓,又冇港島嘅地域優勢,比新界更唔好。相反,一啲喺曾蔭權年代規劃嘅地區,例如將軍澳南,大部分私樓(可惜俾梁前特首加插咗一個居屋盤入去),而且當年一手私樓價係賣緊而家嘅居屋價,都係講緊兩至四年前,喺可見嘅將來都未必再有如此好規劃嘅地區。
7. 王but 2018-06-30 15:16:41
麻煩安慰埋我,好很驚
8. 腥港人 2018-06-30 22:44:33
係地霸唔俾面在先,林鄭講公私合營講左大半年,結果無人有興趣。咁政府咪收起啲地自己起囉,你地霸可以繼續放啲農地煲醋,但賣樓收益會減少,結果焗住補價。脫鈎還脫鈎,補價一樣要補番,遲啲比啫,反正政府不缺錢。
9. Dennis.Ng 2018-06-30 22:45:12
湯博士說得好!可否再分析分析為什麼“地產商根本少少面都唔俾,仲逐少逐少賣樓,樓價指數屢創新高”?是否地產商預期香港加息以及土地供應增加後,房價會大跌,因此在跌之前盡量把房價谷高些?
10. 笠臣 2018-07-01 08:26:08
本來九塊地賣價約有有一千億收入,用這款項起居屋一定多過這一招的數量多倍。
完全係自殘自殺,邊個諗呢招廢招!!!!!!
11. 顏色筆 2018-07-01 09:15:01
政府下一步是要將地產商的農地徵收來補回現用作起公營房屋的9塊地。最好徵收多幾倍來增加供應。
12. 顏色筆 2018-07-01 09:55:06
又不可怪之前買了樓的人沒智慧,是因政府實在太沒用,多年來樓價一直升,完全失控,才令到一般市民慌,根源在於政府的無能(房屋方面)。
 
‹ 返回