主頁 / 按揭文章 /

樓價是否會繼續下跌的關鍵所在

瀏覽人次:30871    回應:15

文亮語

樓價是否會繼續下跌的關鍵所在

 

湯文亮博士

紀惠集團行政總裁
2018年9月10日

  近日樓市多了一些劈價成交出現,有所謂第一城。跌一成,有持有物業甚多的老友擔心樓市會繼續下跌,又見兩位物業代理行老闆對後市睇法竟然背道而馳。中原施永青話由於中美貿易戰正在開打,國內資金北水南調,暗示香港樓市會繼續上升。美聯黃建業則說樓市如逆水行舟,暗示不進則退。兩位老闆對樓市瞭如指掌,又有齊各種數據,但睇法完全不同,一般小市民又如何掌握樓市去向。

  我認為現在樓市最關鍵的就是那些劈價貨是否很快便能夠出售,否則的話,劈價貨會愈來愈多,樓價亦會愈劈愈深,但如果現在的劈價貨很快出售,或者可以將樓市穩住。但以現在情況所見,就算劈價都不容易售出。因為大家都知道寧買當頭起,莫買當頭跌。而且,有很多劈價貨都不是經原業主出售,而是由銀主代勞,而銀主對於那些劈價貨是沒有憐憫之心,話劈就劈。所以,樓市會不會繼續下跌,最主要是看購買力是否足夠。有地產商有見及此,對自己即將開售的新樓盤不提供高按,希望將購買力轉移到二手樓巿場,接收那些劈價貨,令樓市不會因為劈價貨承接力不足而下跌,的確是一番苦心。不過地產商一心向明月,奈何明月照溝渠。

  南豐開售LP6 487個單位,並且預先張揚不會提供高按,中原傑哥竟然話有信心一Q清袋,令到大家都覺得很奇怪。老實說,LP6在該區創新高。如果不提供高按,很難有把握一Q清袋。原來中原為LP6提供高按,有高按而一Q清袋是有可能。不過,就會吸盡二手樓巿場購買力,令到二手樓巿場的劈價貨很難出售,結果是劈價貨會愈來愈多,樓價亦為此會向下調整。中原提供新樓高按可能是好心做壞事,本來是希望頂住新樓樓價,增強二手樓業主的信心,但誰不知又將購買力送給地產商,二手樓沒有足夠購買力維穩,樓市岌岌可危。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 巴 2018-09-10 08:45:01
跌係社會福音
不過ccl根本冇跌
對於想買樓既市民簡直係災難

4百幾個單位創新高賣,得果一兩個第一城舊樓打折扣,餓狗搶屎都搶唔到。
2. 樓價會橫行 2018-09-10 09:07:30
幾個底價成交是因因急業主賣賣樓補股倉。幾個底成成交價後便回到正常價,所以大部分成交是正常價致使樓價指數橫行!
3. 十郎 2018-09-10 09:11:42


      我估多一次 , 今個星期 , 絲絲都冇番工 , 仍然不升不跌。

4. 自我陶醉 2018-09-10 09:25:18
加息在即,呢幾年低息買樓額外付的溢價,就快要write-off了。 樓市風險不在樓價,而在流動性,一旦出現恐慌出貨,人踩人便會出現,走都冇得走,驚都冇用。

5. 引刀一快 2018-09-10 09:28:26
唔想蝕錢,就係剛需剛需剛剛需。
6. 引刀一快 2018-09-10 09:31:52
中原施永青與美聯黃建業,我肯定信施永青!

聽講話賣樓揾佢可以賣高D喎........
7. 十郎 2018-09-10 10:09:41


      小 , 你仲信什麼數據 , 就知道你有幾能蠢。

8. 十郎 2018-09-10 10:52:37


      刀刀--------賣高d ? 會5會高佣之下必有勇夫 , 三國盡歸司司司司馬懿。哈哈哈哈。


9. 湯瑪斯 2018-09-10 11:52:38
我寧信黃建業,不信施永青。然而,施永青轉軑轉得快。予人感覺都睇得幾準。由幾年前佢話樓市進入冰河時期,到去年年初由淡友突然變好友。就知道如果信施永青,要隨時準備轉軑。
10. 十一哥 2018-09-10 12:12:20
哪…而家咪知CY好囉!唔夠辣…而家散水點洗手軟、調整3成都仲係好很貴、調整下好過滾瀉哂、再谷就有機爆到冚包散、大滾後…要收慢火…老火先會出味、冇洗太擔心啦!

11. 黎 2018-09-10 16:22:21
又唔係呀,賣曬
12. 十郎 2018-09-10 17:10:04


      我5係話老師冇返工 , 我係話絲絲小姐冇返工躇。

13. 博士粉絲 2018-09-10 17:15:41
有地產商有見及此,對自己即將開售的新樓盤不提供高按,希望將購買力轉移到二手樓巿場,接收那些劈價貨,令樓市不會因為劈價貨承接力不足而下跌,的確是一番苦心,不過地產商一心向明月,但奈何明月照溝渠。

呢句我覺得唔太岩,高按衍生唔夠班既購買力係唔夠資格買二手,反而令到有實力既買家抽唔到。地霸一定唔係好心,留番啲購買力去二手,而係想吸乾佢先係。

所以LP6如果唔提供高按,反而吸盡二手樓購買力先係?當然,比AA搞一搞,二手潛在買家,反而可能多番。
14. 真真薯片 2018-09-10 18:39:42
今次有帶向隅買家去搶附近二手樓?
15. 引刀一快 2018-09-10 20:35:22
好奇怪,向隅買家,咁急急到要即刻去附近,仲要搶?

係咪真係怕買唔到樓呀?
 
‹ 返回