主頁 / 按揭文章 /

茶餐廳日誌(219)長在後悔中

瀏覽人次:25217    回應:14

敢說亮話

茶餐廳日誌(219)長在後悔中

 

湯文亮博士

紀惠集團行政總裁
2017年11月23日

一個月Hibor 0.69786%

  今日去到茶餐廳,見到一個熟客愁眉苦臉,老闆話佢都唔知點解,那位人兄在18元的時候入了兩萬股騰訊,在250元的時候沽了一萬股俾個仔做首期,現在騰訊升到430元,他話損失了180萬,現在哭股喪,我話那人已經很叻,換作是我,早在100元的時候已經沽清,其實,無論騰訊升抑或跌,那人都會哭股喪,倘若騰訊跌至100元,他便會認為點解在250元的時候沒有沽清兩萬股騰訊,所以,不用安慰他,怎樣安慰也沒有用,因為那些人患了一種病,叫長在後悔中,老闆心領神會。

  股神同股屎的分別並不是他們對所投資的股票認識有多深,而是他們的心理狀況,如果患上長在後悔中這種病,做買賣的時候有所顧忌,就算不買不賣,他們都會後悔,如果要開心,就忘記那些不開心的事,例如那位熟客應該話非常開心,因為在250元的時候只賣走一萬股騰信,現在還持有一萬,多賺180萬元,應該請全部人食早餐,這叫做知足者,貧亦樂,老闆話明白,雖然只得十個舖位收租,他是非常開心,老闆晒命。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 自我陶醉 2017-11-23 12:30:34
博士可能對騰訊冇咩認識,騰訊三年前一拆五,以分拆前計每股現價已經係2千幾,同$250比幾年間相差近十倍。

用番樓市舉個例,今日CCL160, 有人同朋友講本來以前有兩間樓,但CCL16點時賣咗一間好後悔,嗰條友竟然同佢講,你正一係樓屎,你仲有一間未賣呀,賺咁多應該請食飯喇!  都唔知佢到底係攞景定贈慶? 哈哈哈!
2. 回1樓 2017-11-23 13:09:17
關鍵字係《十間舖位收租》,否則就領會唔到筆者嘅意思啦
3. MMC 2017-11-23 16:10:36
博士講緊嘅可能係半杯水理論!

讃成,心態決定命運。
4. CD ROM 2017-11-23 18:44:22
10間, 1間, 100間; 舖位, 車位, 神主位; 對此文既理解會有不同嗎???

願聞其詳.
5. 史路比 2017-11-24 09:19:25
回1樓

你又點知道個熟客或博士講的18蚊唔是已經除權後的價格呢?人家講的故事是損失180萬,你聽就是啦。
當日騰訊IPO,小弟都中左1萬股騰訊,半年後就沽出了,有錢賺幾開心,不過我唔會認為損失2000萬羅,賺大錢的股票好難長久持有的。
6. 自我陶醉 2017-11-24 10:15:43
回5樓 

恭喜哂先! 你成本價只係$3.7啊! 作為一個賭博遊戲贏幾多都開心喇,買十蚊派十一蚊嘅位置馬都大把人買喇! 有咩出奇? 哈哈哈!

其實你都算係騰訊過氣股東啊! 請問你點解要買,後來又點解賣? 你知唔知騰訊做咩生意,點樣搵錢?乜佢分拆後有去過$18咩? 呵呵!

7. 十郎 2017-11-24 11:04:26


      不如講下 , 2015年5月既舜宇喇。

8. 史路比 2017-11-24 11:09:50
TO 6樓
熟客話18蚊買的,或許就是當初買了4000股,一分五後咪變2萬股羅。實際是點,點知吖。

小弟認購QQ是因為當時日日用來同大陸朋友溝通聊天,咪申請羅,不過後來阿楷仔都賣羅,小弟見又有錢賺,咪賣羅。

08年金融海嘯,騰訊由50幾是跌到34-36之間,匯豐由150都跌到78,都跌一半,2選一之下身為香港人肯定選不賺錢的匯豐,結果咪匯豐楂到宜家,騰訊咪變左戥家雞見水羅。不過年初170都又買過2000股,結果300都走埋。所以暴利的股票真是好難長楂的,除非是日日可見的企業,例如不賺錢的匯豐或中銀。
9. 十一哥 2017-11-24 12:47:54
股票講舊屎、即喺過大海…最好開咗牌先至落注、我就自認冇眼光…從來唔掂唔睇雙馬仔概念、買嘢最緊要息口同實際行頭、高就眼光光齋睇、水靜鵝飛又底買就燒冷灶、買咗就去嘆世界、樓股都係咁玩…沒趣又悶旦…亦冇狂喜大悲嘅刺激、但享受到撓手唔覺意又多咗個0嘅樂趣。




10. 十郎 2017-11-24 12:58:08


      十一哥--------- 你呢種章法 , 係有銀士專門店既 , 忘命徒係朝種樹 , 晚界板。

11. 十郎 2017-11-24 13:11:18


      其實d人拗買股好定買樓好 ? 有少少多餘 。股票市場多數是忘命之徒 ,  請注意是多數 , 醉兄原諒。買樓就放長線 , 賭孖展。 誰勝誰負 ? 一運二命三風水 , 唔駛讀書嘅。

 
12. 自我陶醉 2017-11-24 16:53:35
回8樓 

謝分享! 騰訊已經唔係QQ, 微訊咁少嘢,手機遊戲,網保,金融,支付... 一大堆。 就好似一個創投基金,邊樣跑出就賺邊樣,好難有準確估值,而QQ, 微訊就好似一個獨市生意平台。

唔講太多,否則又俾人話我叫人買,有興趣就自己研究。 都係嗰句,買股要賺錢要當係自己入股做股東,要自己做工夫,力不到不為財,如果只當係賭,碰碰運氣的話,都係小注怡情為妙。 

十郎兄,

“股票市場多數是忘命之徒” 我同意㗎,睇下每日輪證成交量佔總成交百分比就知。

所以我話:“點解股票咁多人輸錢,理由好簡單,買嘅人大部份係賭徒。” 你幾時有見過賭仔會發達? 就算股樓賭孖展都唔緊要,最緊要係知道自己輸唔輸得起。哈哈哈!

13. 引刀一快 2017-11-24 18:58:59
同意,輸得起係大前題,成日諗住冇得輸,應該考慮埋輸唔輸得起。
14. 十一哥 2017-11-24 22:45:12
十哥       樓股都有亡命之徒、冇辣招…97加強版一早上演咗…肯定山卡啦都早早呎價過4皮…實好多亡命炒樓!股票…呢幾年老散冇乜信心、外資大戶貨未上足、阿爺力大無窮…大鱷做親空軍都比老表挾、呢兩年座果幾隻股好過買樓、馬仔股…買中圍骰梗和味啦!不過百舖唔知中唔中一鋪…從來唔睇。






 
‹ 返回