主頁 / 按揭文章 / 亂世投資,三大訴求,缺一不可
瀏覽人次:11480    回應:9

文亮言

亂世投資,三大訴求,缺一不可
 
湯文亮博士
紀惠集團行政總裁
2019年11月27日

  上星期五去了幾間大學校友會聯合晚宴,突然間被邀請上台並且問及現在是否適合投資,我認為問題是多餘,現在香港內憂外患,外有中美貿易戰以及香港的人權及民主法案干擾,內則社運還未有退熱跡象,怎會是投資的好時機,不過亦有人話有危有機,別人覺得危險的時候反而是自己的機會,老實說,那些是投資成功人士講的說話,不成功的已經被消失了,危險就是危險,不要把危險說成是機會,而是要認清危險,能夠堅持到最後,才有機會被人說是贏家。

  在亂世投資第一戒條,我講出來未必啱大家聽,就是預左輸,今日無論買樓買股,隨時都會下跌兩三成,如果心理狀態不足,就會覺得很沮喪,這與太平盛世有很大分別,在太平盛世投資,一買就升,會覺得很亢奮,所以,在亂世投資,首先要克復這個心理障礙,無論樓宇股票,下跌都是暫時性的,總有一日會回升,不過,就算買樓買股,都有一些竅門,買樓的就要揀優質單位,否則寧願不買,買股票當然要買藍籌。

  投資亦不能一本通書睇到老,林鄭為了止暴制亂,突然間將九成按保提高至800萬元樓宇,令到正在下跌樓市止跌回升,有首期不足,但有能力供樓的年輕朋友問我是否應該買樓,我話夜短夢長,年輕人前進吧,這是一個以低首期買樓的好時機,雖然樓價在前景不明朗下,可能有機會繼續下跌,但樓價長遠仍然會上升,只要供得起就唔怕買,否則永遠都買唔到樓,至於不需要買按保,甚至可以Full paid買樓的人,現在的確不是買樓好時機,如果一定要買,就必須揀優質單位,否則寧願唔買,因為,只有在亂世,那些驚頭驚尾的業主才會將手上最優質單位放售,至於何謂優質,我認為是離不開Location Location Location ,就是社區要好,大廈質素要佳,樓層要高,三大訴求,缺一不可。

我要回應

回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 樓市人 2019-11-27 10:10:35
湯博士能否舉一些地區能符合下列三大條件以供參考 "Location 社區要好,大廈質素要佳,樓層要高",因我考慮市况再平穩些將會入市,謝謝!
2. 龍虎豹 2019-11-27 10:18:12
首先要刻復這個心理障礙……

克服
3. 克服 2019-11-27 10:25:44
"克服"唔係"刻復"
唉…
4. Admin 2019-11-27 10:54:13
謝謝2,3樓指正, 文章已修改。
5. 一些地區 2019-11-27 10:59:31
咁博士同親友買左邊度跟住買便是。
6. 十一哥 2019-11-27 14:23:43
預咗輸…一定係賭風流錢、寧願唔買…即係唔等洗、優質搭路畸唇…揀手先食…肯定大錢袋、咁就梗係鍾意就買…幾時都係好時勢、壓力…乜感覺嚟㗎 ?


7. 優質搭路畸唇 2019-11-27 14:32:16
遠在西北的毫子股仙股, 都有雞犬皆升嘅時候, 啱價啱用, 有心理準備返工返柴灣, 咁就冇得輸啦。
8. 80後Jason 2019-11-27 17:00:25
樓層, 位置, 方向, 間格, 發展商, 五大訴求,缺一不可。
9. 五大訴求,缺一不可。 2019-11-27 17:29:08
冇錢仲可唔可以有訴求?
 
‹ 返回