主頁 / 按揭文章 /

暴風雨百年一遇 救經濟必須出招

瀏覽人次:14504    回應:30

蔡志忠

2023年9月11日

暴風雨百年一遇 救經濟必須出招

 

蔡志忠

亞洲地產創辦人
香港專業地產顧問商會會長
香港東區工商業聯會首席會長

  近年香港是多事之秋,剛剛送走幾十截未見過但破壞力極強的10號颱風蘇拉,又迎來一場世紀黑色暴雨造成的嚴重水災,搞到香港滿目瘡痍,一片狼藉,經濟損失估計超過百億元。這些百年一遇的天災忽然降臨香港,到底意味著甚麼?

  筆者並非迷信之人,但也會想是否跟香港的運程有關?記得今年年初參與葳葳的網台財經節目,與著名玄學家七仙羽師傅和一衆財經專家一起探討香港未來的經濟前景,七師傅直言去年、今年、明年樓價都將大跌,當時香港剛剛宣布恢復通關,經濟迅速復常,樓價也正處於上升軌道,很多評論員和觀眾均認為七師傅言論誇張,有譁衆取寵之嫌。可是如今回看,七仙羽師傅果然料事如神,事實勝於雄辯,筆者不得不服。

  都說香港是福地,每次遇到重大挫折,皆能戰勝挑戰,渡過難關。然而,我們不能因為每次均能夠安然渡過,便總是採取順其自然,或疏於防範的態度,萬一有一天真的過不了關怎麼辦?這個世界有很多大城市均出現過破產的事情,近年比較矚目的有美國沒落的汽車城市底特律、因樓價暴跌而破產的洛杉磯城市斯托克頓市(Stockton),以及近日也宣布破產的英國第二大城市伯明翰市。這些城市都曾經有過輝煌的日子,後來皆因為人為治理不善而走上破產之路。

天災難避 人為政策可救經濟

  前車之鑑,天災難以避免,人為應該防範。連內地政府也開始救股市樓市了,剛宣布股票印花稅由收取賣方的0.1%减半為0.05%,直接可以刺激股市交投;又推出「認房不認貸」措施,讓買家減少買樓首期及供樓利息,立即令上海北京出現購房熱潮。香港怎麼樣呢?香港的買賣股票印花稅是每邊0.13%,即合共0.26%,買第二層樓的印花稅是樓價的15%,外地人買樓是30%。大家都知道香港的經濟主要靠股市和樓市,此時此刻交投嚴重萎縮,沒有什麼理由不推政策支持。

  我對香港仍然有信心,如果港府肯真正出招,便可力挽狂瀾,只是,我們的政府總是不肯改變溫和與慢熱的作風。近期比較好的政策是發債,而且連續地發,既然不想激活樓市及股市,那麼多發一些債算是好事,免得庫房儲備愈來愈少。港府近年的確入不敷支,樓市量價齊跌,股市成交減少,這方面收入實在不堪入目。另一方面支出愈來愈大,例如幾年多次派錢、推動夜經濟的經費、中小企百分百擔保優惠貸款出現的撇帳、北部都會區及交椅洲人工島的興建計劃等等,這些龐大的開支,必須想辦法盡快增加收入才能應付。

我要回應

會員登入

1. 正確 2023-09-11 17:10:38
蔡老闆好文章,非常時期點救經濟人人有責,全世界一樣,仲有㩒住經濟措施就離地啦.
2. 正確 2023-09-11 17:12:49
[近期比較好的政策是發債,而且連續地發,既然不想激活樓市及股市,那麼多發一些債算是好事,免得庫房儲備愈來愈少。港府近年的確入不敷支,樓市量價齊跌,股市成交減少,這方面收入實在不堪入目。另一方面支出愈來愈大,例如幾年多次派錢、推動夜經濟的經費、中小企百分百擔保優惠貸款出現的撇帳、北部都會區及交椅洲人工島的興建計劃等等,這些龐大的開支,必須想辦法盡快增加收入才能應付。]

繼續發債,發5次有2500億元.
3. 有對等資訊的人 2023-09-11 17:13:34
哈哈哈,宜家先話七師父準?當初唔知幾多人笑佢呢?
4. 過路問 2023-09-11 18:59:34
樓市神燈又再出現,呢次睇跌幾多.
呢度好多專家都有料,樓價跌幾多成至肯收貨?
5. 唔咸唔淡 2023-09-11 19:02:29
儲定子彈買平嘢,政苦唔會撤辣,包你平到笑,反正經濟唔會差過大陸,為官者交到差了.
6. 好奇蹟 2023-09-11 19:07:46
7仙羽估樓價由去年開始連跌幾年,講得頭頭是道,起初個個質疑,現在個個當神咁拜,係唔係有料到就睇埋明年.
7. 雲在青天水在瓶 2023-09-12 00:29:45
破產的前提是負債過高,最後資不抵債。所以發債亦要量力而為,切忌尾大不掉。

現在內地企業在港股中的比重已逹八成以上,由於美國的限制,外資對港股的投資比重在減少,而內地資金投資港股又不能全面開放,造成H股與A股之間存在巨大的折讓。所以,如何爭取內地資金南下,引一江北水向南流,增加港股的吸引力,重估港股價值,同時吸引更多IPO上市,才是發揮香港金融市場作用的正確之舉。

與股票交易總費用相比,印花稅微不足道,減稅只有象徵意義。而搞夜市、撤辣招,是大多數香港市民都能想到的平庸之作。中國有句成語,綱舉目張,只要抓住金融主業這一主要矛盾並解決之,其他問題如房地產、飲食服務業等便可迎刃而解。
8. 講真相 2023-09-12 00:43:18

香港有運行!

【on.cc東網專訊】港府財金官員在其網誌表示,「一帶一路」將有更多綠色基建項目,按市場估計,未來30年單是亞洲地區便需要66萬億美元(約515萬億港元)的氣候投資。而今年的《財政預算案》中已明確提出,銳意將香港打造成為國際綠色科技及綠色金融中心,也是看準全球在這方面的大趨勢。


9. DeonLam 2023-09-12 08:57:23
政府可以改風水格局,運勢便可轉變。
10. 唔咸唔淡 2023-09-12 13:50:20
城市要發展就要有收入,政苦應諗金融及股市方面收入.
11. 有對等資訊的人 2023-09-12 14:32:09
2樓,債唔洗還?永續?你其實懂唔懂?向市場抽水,還高息,結果市場更缺水,投資者不投資或擴充生意,私人企業發債就比更高息,你覺得香港可以吸到其他國家資金?定小市民埋單?
13. 正確 2023-09-12 23:11:54
我當然信雲兄,都同意雲兄睇法,佢係有料之人!
14. 正確 2023-09-12 23:24:00
至於11樓對等人兄:

我唔係唔知道債要還,但在目前嘅民粹主義充斥之下,加上現在嘅管治水平,你估有任何其他方法可以增加收入?
唔好天真啦,只有花光差不多所有儲備,甚至有機會出現大量負債嘅情況下,才有機會改變現狀,現實就係咁殘酷.
15. 好適當 2023-09-13 00:44:24
現時發債係好時機,香港很快變赤字,到時就難發債,甚至發唔到債,只有4.75至5厘嘅債,你估好高呀?你發來睇睇發唔發到?
既然冇收入來源,又唔肯順應民意,點解唔發債?最基本嘅嘢都要做啦.
市民只不過將存喺銀行嘅定期存款用來買債,好正路嘅做法.
16. 有對等資訊的人 2023-09-13 05:58:42
14樓,香港政府可以做好多野,立法會宜家好有效率。
所有基建全面升級,可以應對極端的氣候變化。
每次打風,社會成本太高。
17. . 2023-09-13 10:02:34
八施縮話:
明年垃圾徵費,市民減少浪費式消費,學台湾省般慢活,
令某些行業,哭,哭,哭…哭,笑,哭.
18. 過路一族 2023-09-13 17:11:48


<港通匯訊> 華懋集團及港鐵公司(00066)共同發展的港鐵何文田站上蓋物業發展項目「瑜一」,(IN ONE) 今日公布推出全新建築期付款計劃供買家選擇,新計劃連同其他額外優惠總折扣最高可達售價14%,同時更兼享長成交期。

19. 自我陶醉 2023-09-13 17:20:14
15樓真有趣,如果將你嘅觀點用喺個人身上,就會變成:

現在係去銀行借錢洗嘅最好時機,出年就開始入不敷支,今年唔借錢,出年想借都冇得借!

莫非學痕大,借完轉頭申請破產? 有冇睇過“窮爸爸.富爸爸”呀? 債都有分好壞喎,咪真係當借咗唔洗還呀,哈哈哈!

20. 過路一族 2023-09-13 18:45:00
要發展交椅洲人工島和北部都會區,冇錢點發展?
將來交椅洲和北部慢慢賣地,有收入就可以還債,好過現在死沽沽冇收入.
我支持15樓講法.
21. 雲在青天水在瓶 2023-09-14 00:06:54
丁薛祥在一帶一路高𡶶論壇上以視像方式發表主題演講,要求香港長期保持獨特地位和優勢,鞏固國際金融、航運、貿易中心地位,維護自由開放、規範的營商環境,保持普通法制度,拓展暢通便捷的國際聯繫,在共建一帶一路中發揮更為重要的功能。

我們的官員看到聽到否?要有大格局,不要做小腳女人,更不要做婆婆媽媽的事。
22. 正確 2023-09-14 13:15:03
雲兄好!

閣下智慧高,但都要明白,官員有幾種考慮,經濟只是其一,差啲是商界的事.
社會能否公平,國家安全與政治的絕對穩定更加重要.
23. 大減價 2023-09-14 14:18:27
各方做緊大減價係好事,民意為先,民心所向.
24. 回21樓 2023-09-14 14:30:14
佢好似冇提過地產喎。下話?
25. 香江人 2023-09-14 20:08:51
樓上24樓,
金融中心發展良好,各行各業就會好,地產自然好,故搞好搞旺金融業香港至會興旺,中央政策亦是這樣.
26. 自我陶醉 2023-09-14 21:16:10
21樓

其實丁薛祥講嘅,香港全部都做緊啦! 你唔覺咩? 哈哈哈哈哈...   

聽領導說話要用心去聽,不是用耳去聽的,這些詞彙在我國都有特別定義的,丁的實際意思係:

維護“有中國特色的”自由開放、“有中國特色的”規範營商環境,保持“有中國特色的”普通法制度...

用一般凡夫俗子的定義,是絕對無法正確演繹國策和方針的;還有,丁今次係講俾鬼佬聽的,鬼佬自己理解錯,只能怪他們太幼稚,如果特區政府都理解錯,等炒啦! 邊個人講咩,幾時講咩,對像目標咩人,想達到咩目的,全部都有重要訊號包含在內。今時唔同往日,在政治主宰一切的年代,單靠技術分析和字面解讀國策是不足夠的了,哈哈哈!
27. 自我陶醉 2023-09-15 10:18:35
20樓高見,一厘時唔發債,兩厘唔發,三厘唔發,四厘都唔發,四厘樓上先發債,手上嘅地都賣唔旭,又流標,地價又續創新低,仲要高息借錢造地? 這債是好債,還是壞債? 真有見地! 哈哈哈哈哈...
28. 過路一族 2023-09-15 15:18:48
27樓陶醉兄:

過多半年,包你發唔到債,港府都係,如果5厘以內.
仲講1厘兩2厘3厘嘅債,今日係2023年,你返咗5年前,哈哈哈哈!
29. 自我陶醉 2023-09-15 16:11:09
28樓 過路人兄

成功的、有擔當的人或公司,借債前必定會問的兩個問題:
1. 有冇能力還?
2. 有冇經濟效益?

只關心明年是否借到,係瀕臨破產的人唯一關心的問題,如果政府有你同一樣心態,就要祝大家好運嘞! 講你都唔會明,自己參詳吧! 自求多福吧! 哈哈哈!

30. 講真話 2023-09-16 01:08:56
今時唔同往日,振興唔到樓市同股市,又同外國一路割席,香港國際中心地位愈來愈遜色,冇話發債,到時赤字出現,唔單止違背基本法量入為出嘅指引,仲好大機會加薪俸稅和利得稅.
31. 自我陶醉 2023-09-16 10:44:09
30樓 真係食飯唔知碗空!赤字一早已經出現咗幾年啦!你唔知咩?

香港上年千幾億赤字,淨係23年4、5月就已經719億赤字,乜你以為香港仲有盈餘咩? 唔係發緊夢吓話? 哈哈哈

同外國割蓆,可以用發債代替? 樓價股價就會升?  發債就冇赤字? 

你又知唔知以前係咩因素令香港成功呢? 而家呢? 莫非就係靠發債渡日? 

其實想股樓樣樣升唔洗發債嘅,發夢都得㗎,唔信你試下今晚早啲瞓呀! 哈哈哈哈...

 
‹ 返回