香港樓市有少少令到大家驚奇，在連續下跌四個月之後，最終止跌回升，根據差餉物業估價署數字，上個月樓價上升0.35%，租金則連升五個月，在Hibor 急跌之下，樓價有機會止跌回升，不過有人話香港負資產超過四萬個，樓價有進一步下跌空間，唔好咁樂觀。

　　很多人睇樓市都睇錯了，他們非常集中注意負資產數字，其實，大家更應該關心銀主盤數字，我講大家都未必會相信，現在銀主盤只得400個單位，是負資產1%，不但不合比例，根本不合邏輯，理論上銀主盤是應該多過負資產好多，因為只要欠債人不按期供款，所按的物業就有機會變成銀主盤，負資產就是按揭物業資不抵債，但是負資產業主都會按時還款，而且他們都有買按揭保險或者在銀行工作，而銀行知道他們的收入，容許他們的負資產不會變成銀主盤，既然物業有按揭保險以及銀行願意承擔風險，我們又何必硬性歸納那些資不抵債的物業是負資產，不如將擔心放在銀主盤，如果香港有四萬個銀主盤，唔使做分析都知道香港樓市差到不得了。

　　我相信在未來一段時間，負資產會大幅減少，首先是樓價指數回升，今次雖然只得0.35%，但如果繼續上升，當指數升超過1%的時候，負資產的數字相當顯著大幅減少，其次是銀行開始炒人，不但被炒的職員要清還負資產欠數，就算仍然可以在銀行工作的職員，都會急急忙忙清還部份欠款，令到他們的物業不是負資產，所以，大家不必要擔心負資產數字，直至銀主盤數字大升，大家才應該擔心，千祈唔好本末倒置，自己嚇自己。